बाजुराः जिल्ला प्रसाशन कार्यालय मार्तडी बाजुराले सदरमुकाम मार्तडी देखि कोल्टीसम्म बस सेवा सञ्चालनका लागी अस्थायी अनुमति दिने निर्णय गरेको छ । आज प्रसाशन कार्यालयमा बसेको सर्वदलिय बैठकले बस संञ्चालनको सो निर्णय गरेको हो । बस सेवा संञ्चालनको लागी अस्थायी अनुमति दिइने निर्णय गरीएको प्रमुख जिल्ला अधिकारी भिमकान्त पौडेलले बताउनुभएको छ ।

मार्तडी दखि कोल्टी सडक खण्डमा दिवा तथा रात्रि बस सेवा संञ्चालन गर्न सुझाव सहित स्थानिय जनता तथा यात्रुले पटकपटक ज्ञापन पत्र बुझाउने गरेको,जगन्नाथ यातायात सेवा प्रा.ली.जगन्नाथ गाउपालिका १ पिलुचौर बाजुराको पत्र संख्या २०८०,८१ चलानी नम्बर ७ मिति २०८० चैत्र २२ गते को अनुमति सम्बन्धमा बिषयको पत्रबाट मार्तडी देखि कोल्टी सडक खण्डमा बस सेवा संञ्चालन गर्न अनुमति दिन हुन भनी माग गरेको तथा सुदुरपश्चिम यातायात प्रा.ली.ब्यबसायी र भेरी लगायत ब्यबसायी संघबाट स्थलगत निरिक्षण गरी बस सेवा संञ्चालनको लागी अस्थायी अनुमती माग गरेको सन्दर्भमा तथा मिति २०८० चैत्र २६ गतेका दिन जिल्ला प्रसाशन कार्यलयमा बसेको सुरक्षा निकायाका प्रमुख,सहितको सर्वदलिय बैठकबाट सहमती भईसकेको आधारलाई मध्यनजर गर्दे बस सेवा संञ्चालनको लागी अस्थायी अनुमति दिने निर्णय गरीएको अधिकारी पौडेलले बताउनुभएको छ ।

बैठकबाट बस सेवा संञ्चालनका लागी बिभिन्न निर्णय सहित अनुमती दिएको हो । रात्रि बस सेवाको लागी ८ बर्ष ननाघेका र दिवा बस संञ्चालनको लागी १० बर्ष ननाघेका ५ वटा बस हुनु पर्ने निर्णय गरेको छ । त्यस्तै बुढीनन्दा,बडिमालिका,र बुढीगंगा, नगरपालिकाहरुले आकस्मिक रुपमा आइपर्ने सामान्य खालका मर्मत सम्भारका काम गरी सडक सुचार गराउन सहयोग समेत गर्ने निर्णय गरेको छ । त्यस्तै भाडा दर निर्धारणमा ग्राभेल सडकको हकमा प्रति कि.मि १० रुपैया दरले हुन आउने रकम बराबर भाडा कायम गर्ने निर्णय गरीएको छ । त्यस्तै सडकको वरपर रहका संरचना आआफ्नो क्षेत्रमा पालिकाले हटाउन सहयोग गर्ने र निमार्ण गरीएका संरचनाको क्षतिपुर्तिका सन्र्दभमा नेपाल सरकारले निति नियम अनुसार आबश्यक सहयोग गर्न पहल गर्ने निर्णय गरीएको प्रमुख जिल्ला अधिकारी भिमकान्त पौडेलले बताउनुभएको छ ।

बस सेवा संञ्चालनको लागी अनुमती दिइएको भएपनि बस सेवा संञ्चालन गर्न समस्या हुने बस चालकहरुले बताएका छन् । निमार्ण कम्पनीको चरम लापरवाहीका कारण अहिलेसम्म पनि मार्तडी कोल्टी सडक खण्डको राम्रो स्तर उन्नती हुन सकेको छैन् । दिनहुँ चल्ने जिपहरुलाई बेलाबेला समस्या हुने गरेको छ तर बस सेवा संञ्चालन गर्दा बस संञ्चालनमा निकै समस्या आउने बस चालकहरुले बताउने गरेका छन् । लामो समयसम्म बस स.पा संञ्चालन नहुँदा यात्रुहरुले जिपमा महंगो भाडा तिरेर मार्तडी देखि कोल्टी र कोल्टी बाट मार्तडी हुने गरेका थिए । सडकको राम्रो स्तर उन्नती भए संगै बस सेवा संञ्चालन हुँदा अलि सहजता मिल्ने यात्रुहरुले बताउने गरेका छन् ।