281 पटक पढिएको
बाजुराः नेपाल हृदय रोग निवारण प्रतिष्ठान बाजुराको दोस्रो अधिवेशनबाट अध्यक्ष पदमा रामचन्द्र यादव सर्वसम्मत चयन भएका छन् ।सोमबार भएको दोस्रो अधिवेशनबाट यादव सर्वसम्बत चयन भएका हुन्। त्यस्तै प्रतिष्ठानको उपाध्यक्षमा देवबहादुर रोकाया,सह उप सभापतिमा तनी थापा भोटे,सचिवमा दयाराम पण्डित निर्विरोध निर्वाचित भएका छन् ।
यस्तै प्रतिष्ठान शाखा बाजुराको अधिवेशनबाट उप सचिवमा धनबहादुर रोकाया,कोषाध्यक्ष धनबहादुर रावत उप कोषाध्यक्षमा प्रकाश गिरी सहित १५ सदस्यीय जिल्ला कार्य समिति गठन गरिएको छ । सामाजिक सेवा र मुटु रोगबाट बच्च र रोगबाट निवारणका गर्दै रोगबाट ग्रसितलाई दिने सेवाका लागि स्थापना भएको हो ।
जिल्लाका २०६८ सालमा स्थापना भएको प्रतिष्ठानको दोस्रो अधिवेशन भएको हो । नेपाल हृदय रोग निवारण प्रतिष्ठान शाखा बाजुराका अध्यक्ष दीलबहादुर बुढाको अध्यक्षतामा संचालन भएको कार्यक्रममा उद्योग वाणिज्य संघ बाजुराका अध्यक्ष देवबहादुर रोकाया प्रमुख अतिथी रहेका थिए ।
कार्यक्रममा टेक खड्का,विश्वराज पण्डित विशिष्ट अतिथी रहेका थिए । अधिवेशनमा अध्यक्ष बुढाले वार्षिक प्रतिवेदन पेश गरेका थिए । प्रतिवेदन अधिवेशनको बन्दसत्रबाट पारित समेत गरिएको छ ।
