330 पटक पढिएको
बाजुराः जिल्लाबाट प्रतिनिधित्व गर्ने निर्वाचित संघिय र प्रदेश सांसदहरुले पुल सार्ने प्रयास गरेको भएतापनि उनिहरुको पहुँच नपुगेरै पहल नभई जिल्लाको बडिमालिका नगरपालिका अन्तर्गत साँफे–मार्तडी सडक खण्डको जडाङ्गमा रहेको बेलिब्रिज अहिले प्रयोग बिहिन भएको स्थानियहरुले बताएका छन् । पक्की पुल निमार्ण भएको तिन बर्ष बितिसक्दा पनि उक्त बेलिब्रिज अन्य ठाउँ सार्ने प्रयास भएको छैन् । अन्य ठाउँमा उक्म्त बेलिब्रिज सार्ने पहल नहुँदा नदीमै पुल थन्किएको छ । चुनावको बेला खोक्रा भाषण गरेर सुनाउने बाजुराबाट प्रतिनिधित्व गर्ने संघिय र प्रदेश सांसदहरुले तिन बर्ष सम्म पनि कुनै पहल नगर्दा उक्त बेलिब्रिज अहिले प्रयोगबिहिन बनेको स्थानियहरुले आरोप लगाएका छन् ।
जिल्लाका अन्य सडकखण्डका नदिहरुमा पुलहरु बन्न सकेका छैनन् तर बुढीगंगा नदिमा भने दुई वटा पुल रहेको भए तापनि अन्यन्त्र सार्ने प्रयास भएको छैन् । जिल्लाको मार्तडी कोल्टि सडक खण्डका तिन ठुला नदि र काँडा आटिचौर मार्तडी जोड्ने सडक खण्डको भौनेरा नदिमा मा पुल निर्माण नहुदा अहिले बर्षातमा यातायात पुर्ण रुपमा ठप्प हुने गरेको छ ।बुढीगंगा नदिमा प्रयोग बिहिन रहेको बेलिब्रिज अन्य यि नदिहरुमा सारिदिएको खण्डमा अलि राहत मिल्ने स्थानियहरुको भनाई रहेको छ । उक्त अलपत्र बेलिब्रिज अर्को ठाउँमा सारिनुपर्ने माग स्थानियहरुले बेलाबेला गरेको भएता पनि सुनुवाई भने हुन सकेको छैन् भने अन्यन्त्र सार्ने कुनै योजना समेत बनेको देखिदैन् । अँय ठाउँमा पुल नहुँदा स्थानियहरुले बर्षातको समयमा निकै दुःख कष्ट भोग्नुपर्ने बाध्यता रहेको छ । तर यता बुढीगंगा नदिमा भने एउटा पक्की पुल एउटा बेलिब्रिज रहेको छन् जुन अहिले पक्की पुल संञ्चालनमा छ भने बेलिब्रिज तिन बर्ष देखि प्रयोगबिहिन बनेको छ अन्य ठाउँमा सार्न सकिएको छैन् ।
लामो समयसम्म उक्त बेलिबिज्र सार्नको लागी प्रदेश र संघ सरकार बाट बजेट ब्यबस्थापन हुन नसक्दा बेलिब्रिज अलपत्र अबस्थामा रहेको छ । बुढिगंगा नदिमा २०७७ साल साउन २५ गते आएको बाढीले बेलिब्रिज बगाएको थियो भने तत्काल सडक बिभागले ठेक्का खोली ५ महिना पछाडी अर्थात माघ महिना बाट उक्त बगाएको बेलिब्रिज संञ्चालनमा ल्याएको थियो । त्यस लगत्तै एक बर्ष पछाडी उक्त खोलामा पक्की पुल बनिसके पछाडी अहिले उक्त बेलिब्रिज नदि माथी अलपत्र अबस्थामा रहेको छ । उक्त बेलिब्रिज कता सार्ने भन्ने बारेमा कुनै पनि योजना बन्न सकेको छैन् । जिल्लाका अन्य ठाउँका निदहरुमा पुल नहुँदा निकै समस्या भईरहेको छ । दैनिक आवतजावत लगायत अन्य कामकाजहरु समेत बर्षायाममा ठप्प हुने गरेका छन् । जिल्ला बाजुराका हरेक नदिहरुमा पुलहरुको आबश्यक रहेको छ तर उक्त बेलिब्रिज भने तिन बर्ष बितिसक्दा पनि अन्त कतै सार्न सकिएको छैन् ।
जिल्लामा बेलिब्रिज स्थानान्तरणको लागी बेलाबेला सर्वदलिय बैठक बसेको भए पनि अहिलेसम्म कुनै खास योजना बनाउन नसकिएको प्रमुख जिल्ला अधिकारी भिमकान्त पौडेलले बताएका छन् । आफु जिल्ला बाजुरामा आईसके पछाडी आफुले बेलिब्रिजको स्थानान्तरण गर्नको लागी आफ्नो क्षेत्रबाट समन्वय सहकार्य पहल गरीरहेको बताएका छन् । बिशेषत यस बिषयमा जिल्लाबाट प्रतिनिधित्व गर्ने माननियहरुले यसबारे चासो दिनुपर्ने उहाँले बताएका छन् । माननियहरुले चाँसो नदिएको भन्ने होइन् तर कडारुपमा चासो नदेखाएका कारण कुनै योजना बन्न नसकी अन्त सार्न नसकिएको उनले बताएका छन् । बेलब्रिज नदि माथि लामो समयसम्म थन्किरहँदा अन्य पुल नभएका ठाउँहरुमा समस्या भईरहेको उनले बताए । यदि बेलब्रिज अन्त कतै ठाउँमा स्थानान्तरण गरेको खण्डमा केहि राहत मिल्ने थियो अधिकारी पौडलले बताएका छन् ।
बेलिब्रिज अन्त स्थानान्तरण गर्नको लागी कुनै पनि संघिय र प्रदेश सांसदहरुले खासमा पहल नगरीएको पाइएको छ । लामो सयसम्म नदिमाथि बेलिब्रिज थन्किदा अन्य ठाउँको लागी निकै समस्या भएको छ । यतासडक डिभिनज कार्यालय साँफेबगरका अनुसार उक्त बेलिब्रिज पुल स्थानान्तरणको लागी कहाँ स्थानान्तरण गर्ने भन्ने बारे कुनै योजना नबनेका कारण सार्न नसकिएको जनाएको छ । साथै पुल स्थानान्तरणको लागी प्रदेश र संघ सरकार बाट बजेटको पनि ब्यबस्थापन हुन नसक्दा समस्या भएको कार्यालयले जनाएको छ । यता स्थानियहरुले भने निर्वाचित संघिय र प्रदेश सांसदहरुलाई नै आरोप लगाएका छन् उनिहरुकै पहुँच नपुगेका कारण पुल सार्न नसकिएको स्थानियको भनाई रहेको छ । मन्त्रालमा गुपचुप भएर बस्ने जिल्लाका समसयाहरुको बारेमा कुनै पनि उठान नगर्ने,अनि हामीले यस्तो उस्तो गरकै हौ ,तर भएन भनेर भन्ने अनेक नाटक देखाउने स्थानयिले बताएका छन् ।
जिल्लाका अन्य सडकको बिभिन्न ठाउँका खोलाहरुमा पुल नहुँदा जोखिमपुर्ण र सास्तीपुर्ण यात्रा गर्नुपर्ने बाध्यता संगै सवारी साधन सञ्चालनमा समस्या भईरहेका छन् । तर बुढीगंगा नदिमा स्थायि पक्कि पुल बनिसक्दा पनि अस्थायी रुपमा सवारी साधन आवतजावत गराउन बनाईएको बेलिब्रिज अहिले प्रयोग बिहिन बनेको छ । कतै फालाफाल ,कतै बेहाल भनेजस्तै उक्त ठाउँमा पक्कि पुल हुँदा हुँदै पनि बेलिब्रिजलाई अन्त सार्न सकिएको छैन् । बर्षात अगाडी नै उक्त पुल कतै अन्त स्थानान्तरण गरेको खण्डमा त्यस ठाउँमा सहजता मिल्थ्यो तर अब बर्षातको समय सुरु भयो कहि स्थानान्तरण गर्न सकिएको छैन् । त्यहाँ दुई दुई पुल छन् तर अन्य ठाउँमा भने केहि छैन् समस्या हुने स्थानियले दुखेसो पोखेका छन् ।उक्त पुल अन्त कतै सार्नको लागी निर्वाचित संघिय र प्रदेश सांसद तथा स्थानिय सरकारले बिशेष ध्यान दिएर पहल गर्नुपर्ने स्थानियको भनाई रहेको छ ।
