गोबिन्द्र राज तिमिल्सेना,असार ३,बाजुराः  केही दिनयता अत्यधिक गर्मी बढेसंगै अस्पतालहरूमा बिरामीको बढेको चाप बढेको छ । अस्पताल तथा स्वास्थ्य संस्थामा केही दिनयता झाडापखाला, आउँ, भाइरल ज्वरो लगायतका समस्याबाट पीडित बिरामीको चाप बढेको छ ।गर्मी अत्यधिक बढेपछि जिल्ला अस्पताल बाजुरामा बिरामीको चाप बढ्न थालेको छ।

लामो समयसम्म वर्षा नहुँदा विभिन्न किसिमका बिरामीको चाप बढेको छ।नियमित अस्पताल आउने बाहेक अहिले भाइरल ज्वरो, टाइफाइड, मलेरिया, झाडापखालाका बिरामी बढी मात्रामा आउँने गरेको अस्पताल बाजुराका सुचना अधिकारी नृपराज गिरीले बताएका छन् । लामो समयसम्म पानी नपरी गर्मि बढेसंगै दैनिक बिरामीहरुको संख्या बढ्दै गएको अधिकारी गिरीले बताए । केहि दिन सम्म मौषमा परिर्वन नआएको खण्डमा अझै अस्पतालमा बिरामीको संख्या बढ्न सक्ने उनले बताए ।

केही दिनयता एक्कासि गर्मी बढेपछि अस्पतालमा मौसमी रुघाखोकी लगायतका बिरामीहरु बढ्न थालेका हुन्।  मौसमी रोगका कारण जिल्ला अस्पताल तथा मार्तडीका अन्य मेडिकलहरुमा बिरामीको भीड बढ्न थालेको छ ।गर्मी बढेसँगै दिनानु दिन बिरामीको सङ्ख्या पनि बढ्दै गएको स्वास्थ्यकर्मी बताउँछन् । विशेषगरी मौसमी ज्वरो, झाडापखाला, टाउको दुख्ने र शरीर चिलाउने जस्ता समस्या देखिएका छन् ।लामो समयसम्म खडेरी परेका कारण गर्मि अत्याधिक बढेसंगै रुघाखोकी,झाडापखाला लगायतका बिरामीको संख्या पनि बढ्दै गएको जिल्ला अस्पताल बाजुराले जनाएको छ ।

जिल्ला अस्पताल बाजुराका कार्यलय प्रमुख डाक्टर समिता पुनले गर्मी बढेसँगै विभिन्न किसिमका मौसमी रोगको उपचार गर्न आउने बिरामीको सङ्ख्या बढेको बताएकी छन् ।   केही दिनयता भाइरल ज्वरो,झाडापखाला,टाइफाइड लगायतका बिरामीको सङ्ख्या बढिरहेको जानकारी दिंदै उहाँले अझै गर्मि यस्तै यथावत रहने हो भने यस्ता प्रकारका समस्या भएका बिरामी आउने क्रम अझै बढ्न सक्ने बताउनुभएको छ  । गर्मीका कारण एलर्जी लगायत अन्य रोगहरुका बिरामी अस्पताल आउने गर्छन् । “झाडापखाला र ज्वरोका बिरामी धेरै आउँछन्,”डाः पुनले भन्नुभयो, “यतिबेला खानपिन र सरसफाईमा विशेष ध्यान दिनुपर्ने हुन्छ ।” उनले बताएकी छन् ।

दिनभरको टन्टलापुर गर्मीसंगै झन तातोे हावा चल्दा रुघाखोकी,झडापखाला,लगयातका बिरामी बढी मात्रामा आउने गरेको यता आर.सी. मेडिकल हलका सञ्चालक  डाक्टर रामचन्द्र यादवले बताउनुभएको छ ।जिल्लामा अत्याधिक गर्मि बढेसंगै यस्ता खाले प्रबृतिका बिरामी मेडिकलमा पनि धेरै संख्यामा आउँने गरेको डाक्टर यादवको भनाई रहेको छ । अहिले गर्मिमा बढीजसो टाउको दुख्ने मौषमी रुघाखोकी धेरै हुने हुँदा यो गर्मिमा पर्याप्त मात्रामा पानी र झोलिलो पदार्थ खानुपर्ने उनले बताए  । चर्को घाममा अनावश्यक हिँड्डुल नगर्न समेत उनले बताए । दिन टन्टलापुर गर्मिमा बिभिन्न खाले रोगका बिरामी मेडिकलमा उपचारको लागी आउँने गरेको डाक्टर  यादवले बताएका छन् ।

गर्मीमा पानीको माग बढ्ने भएकाले प्रदुषित पानीको प्रयोगका कारण पनि यस्ता समस्या फैलने स्वास्थ्यकर्मि बताउछन् । यो गर्मिको बेला सडकमा बेच्न राखिएका काटेका फलफुल र अन्य खालका खानेकुरा मसालेदार र तारेका खानेकुरा लगायत शरिरलाई हानि गर्ने कुनै पनि खाले चिजहरु नखान स्वाथ्यकर्मिहरु बताउछन् । सकेसम्म ताजा फल, हरिया तरकारी, जुस जस्ता स्वस्थकर खानेकुरा पानी र झोलिलो पर्दाथ सेवन गर्न डाक्टरहरुले सुझाव दिएका छन् ।