319 पटक पढिएको
गोबिन्द्र राज तिमिल्सेना,असार १८, बाजुराः जिल्लाको बडिमालिका नगरपालिका वडा.नम्बर. ७ जिल्लीमा रहेको पहिरो बग्न थालेपछि पुर्वी उत्तरी भेग जोड्ने मार्तडी–कोल्टी सडक मंगलबार विहानबाट अवरुद्ध भएको छ । सडक माथिबाटै धमाधम पहिरो बग्न थालेपछि सडक अबरुद्ध भएको हो । रातभरको अबिरल बर्षातले गर्दा पहिरो बग्न थालेपछि मार्तडी देखि कोल्टीसम्म चल्ने जिपहरु लगायत मालबाहक सवारी साधनहरुको लागी आवतजावतमा समस्या भएको छ ।
पहिरोका कारण मार्तडी कोल्टी सम्मको यात्रामा असहजता भएको छ । माथिबाट ठुलो पहिरो बग्न थालेको छ यातायातका साधन पनि पहिरोकै हिलोमा अड्किने सम्भावना रहेको छ वारपार गर्न पनि यातायातका साधनहरुलाई असहज भएको छ । बर्षायाम सुरु हुँदै सडकको हालत निकै नराम्रो भएको छ । बर्षायाम सुरु भएसंगै पहिरो दिन प्रतिदिन बग्दै गएको छ पहिरोले ठुलोठुलो आकार ओगेट्दै गएको छ पहिरोले कतिपयका घरजग्गा बगाएको छ । एक बर्ष अगाडी यहि पहिरोले जिल्ली बासीहरुका खेतबारी सबै बगाएको थियो । पहिरो गएको करिब दुई तिन बर्ष बितिसक्दा पनि यसको रोकथाम तथा बैकल्पिक उपायको लागी कसैको ध्यान जान सकेको छैन् ।
पहिरोको उचित रोकथाम को लागी बिभिन्न कार्य अगाडी बढाए पनि बर्षायाम सुरु हुने बितिक्कै पुनः पहिरो बग्न लाग्दा समस्या भईरहेको वडाअध्यक्ष धर्मराज पाध्याले बताएका छन । यसको रोकथामको लागी आफुले पहिले पनि पहल गरेको अहिले पनि पहल गरीरहेको हुँदा पनि समस्या समाधा हुन नसकेको अध्यक्ष पाध्यायले बताए । जब बर्षायाम सुरु हुन्छ तब पहिरो बग्न सुरु हुन्छ यसले बडाबासी मात्रै नभई माथिल्लो क्षेत्रतिरका सबै स्थानिय बासी संगै छिमेकी जिल्ला हुम्ला,मुगुका नागरिकहरुलाई पनि समस्या भईरहेको उनले बताएका छन् ।
राति मौषम प्रतीकुल भई पानी पर्दा रातभरको अबिरल बर्षातले गर्दा पहिरो बग्न थालेको हो। पहिरो बग्न थालेपछि दैनिक आवतजावत संगै यातायातका साधनहरु सञ्चालन गर्न निकै समस्या परेको छ । पहिरोमा यातायातका साधनहरु अड्किने हुदा सञ्चालनमा समस्या भएको हो । दैनिक यात्रु बोकेर मार्तडी( देखि कोल्टि सम्म जाने जिपहरुलाई निकै समस्या भएको छ ।पहिराले दैनिक जीवन कष्टकर बन्नुका साथै यातायात साधन सञ्चालन संगै बिद्यालय पढ्न जाने बिद्यार्थीहरुलाई समेत समस्या भएको छ । सुदूरपश्चिमको गौरवको सडकमा रुपमा रहेको मार्तडी–कोल्टी सडक वर्षायाम सुरु भएपछि अवरुद्ध हुदै आएको छ । पहिरोले सडक अवरुद्ध हुँदा माथिल्लो क्षेत्रका नागरिकले सास्ती भोग्दै आएका छन् । हिउदको समयमा सवारी साधन चल्ने भएपनि वर्षायाममा ठाउँ ठाउँमा सवारी साधन फेर्दै जिल्ला सदरमुकाम आउनुपर्ने बाध्यता माथिल्लदो क्षेत्रका नागरीकहरुलाई रहेको छ ।
असारको महिना लाग्नै लाग्दा राति लगातार पानी पर्न थालेपछि माटो बिस्तारै भिजेर पहिरो बग्न सुरु भएको हो । पहिरोको रोकथामको लागी बिभिन्न कार्य गरीएको भएपनि उक्त पहिरो अझै रोकिएको छैन् । मार्तडी कोल्टीसम्म सडकखण्ड कालोपत्रे गरेको भए अलि राहत मिल्ने थियो तर अब त्यो आशा पनि नरहेको स्थानिय बताउन्छन् । पहिरो बग्न सुरु भएको करिब दुई बर्ष बित्यो पहिरोको दृश्य हेर्न सबै नेता कार्यकर्ताहरु लगायत बाजुराबाट प्रतिनिधित्व गर्ने सांसदहरुले पनि पहिरोको अवलोकन गरे तर पनि पहिरोको रोकथामको लागी कुनै पनि पहल नगर्दा समस्या भएको स्थानियले बताएका छन् ।पहिरोले सडकखण्ड अबरुद्ध हुनुका साथै मानिसहरुको आवतजावत पनि कष्ठकर बनेको छ।
