164 पटक पढिएको
धनगढी : कैलाली र बाजुराबाहेक सुदूरपश्चिमका सात जिल्लामा नेपाली काँग्रेसको वडा अधिवेशन भएको छ । सात जिल्लाका पाँच सय ३५ वडामा कांग्रेसको अधिवेशन सम्पन्न भएको हो । प्रधानमन्त्री तथा नेपाली काँग्रेसका सभापति शेरबहादुर देउवाको गृहजिल्ला डडेल्धुरामा शुक्रबार अधिवेशन सम्पन्न भएको छ ।
निर्वाचन अधिकृत लोकेन्द्र बमका अनुसार ५२ वटा वडा रहेको डडेल्धुरामा ४८ वडामा नयाँ नेतृत्व चयन भएको छ । ‘४८ मध्ये अधिकांश वडामा सर्वसम्मत नेतृत्व चयन भएको छ,’ बमका अनुसार , ‘अजयमेरु गाउँपालिका वडा नम्बर ३, अमरगढी नगरपालिका वडा नम्बर ८ र नवदुर्गा गाउँपालिका वडा नम्बर ५ मा वडा अधिवेशन हुन बाँकी रहेको उनले बतायका छन । गन्यापधुरा २ मा सभापति चयन गरिएको छ । बाँकी आज हुन्छ ।’ डडेल्धुरामा जिल्ला सभापति कर्ण मल्लको समूहले बहिष्कार गरे पनि अधिवेशन गरिएको हो ।
यस्तै कञ्चनपुरका ९२, अछामका ९१, बैतडीका ८४, दार्चुलाका ६१, डोटीका ६५ र बझाङका ९४ वडामा अधिवेशन सकिएको कांग्रेसले जनाएको छ । कैलाली र बाजुरामा भने अधिवेशन अनिश्चित बनेको छ । कैलालीमा निर्वाचन क्षेत्र नम्बर १, २ र ४ मा विवाद रहेको जिल्ला उपसभापति प्रकाश बमले बताए । ‘विवाद समाधानका लागि केन्द्रमा छलफल भइरहेको छ, तर अहिलेसम्म टुंगो लागेको छैन,’ उपसभापति बमले भने । बाजुरामा पनि केन्द्रबाट क्रियाशिल सदस्य थपेको भन्दै विवाद रहेको छ ।
प्रतिक्रिया
सम्बन्धित खवर
