135 पटक पढिएको
झापा–सिलिण्डर ग्यास फेरबदल गर्ने क्रममा आगलागी हुँदा जलेर घाइते भएका दम्पत्तिको मृत्यु भएको छ । मृत्यु हुनेमा आगलागीमा परेर घाइते भएका अर्जुनधारा–७ पुष्पलाल मार्गका रोम खनाल र उनकी श्रीमती दुर्गा खनाल रहेका छन । उनिहरु दुबैको को काठमाडौंस्थित कीर्तिपुर अस्पतालमा गएराति अलग–अलग समयमा मृत्यु भएको हो।
खनाल दम्पत्तिले तीन घण्टाको फरकमा ज्यान गुमाएको छिमेकी कमल पोखरेले जानकारी दिए ्। आगलागीमा घाइते भएका छोरा पंकजको अवस्था भने सामान्य बन्दै गएको छ । उनी डिस्चार्ज हुने तयारीमा छन्। भदौ २६ गते साँझ ग्यास लिक हुँदा खनालको घरमा आगलागी भएको थियो । घटनामा परिवारका चारजना घाइते भएका थिए ।
घरमुली मंगलादेवी सामान्य घाइते थिइन् भने अरुको अवस्था गम्भीर थियो। घर जलेपछि खनाल परिवार यतिबेला छिमेकीको घरमा आश्रय लिएर बसिरहेको छ। छिमेकी पोखरेलका अनुसार खनाल दम्पत्तिको काठमाडौंमै अन्त्येष्टि गर्ने तयारी छ ।
अन्नपुर्ण पोष्टबाट साभार
प्रतिक्रिया
सम्बन्धित खवर
