292 पटक पढिएको
बाजुरा–औषधि व्यवस्थापन विभागले बाजुराको कोल्टीमा सञ्चालित पाँच स्वास्थ्य क्लिनिकमा शिलबन्दी गरेको छ ।
विभागको नेतृत्वमा गएको अनुगमन टोलीले मापदण्ड अनुसार दर्ता प्रक्रिया नगरको पाइएपछि स्वास्थ्य क्लिनिक शिलबन्दी गरेको औषधि व्यवस्थापन विभागले जनाएको छ । टोलीले बाजुराको कोल्टी बजारका तीन र पिलुचौरमा सञ्चालित दुई स्वास्थ्य क्लिनिकमा शिलबन्दी गरेको हो ।
विभिन्न अस्पताल, मेडिकल एवं डेन्टिल क्लिनिक र जनस्वास्थ्यमा दर्ता र नवीकरण भए नभएको जाँच गर्ने क्रममा कोल्टीमा रहेका प्रभा आयुर्वेद, नविन मेडिकल, विशाल आयुर्वेद औषधि पसल र पिलुचौरमा रहेका जनता स्वास्थ्य क्लिनिक र संज्याल हेल्थ क्लिनिकमा शिलबन्दी गरेको बताईएको छ ।विभागले मंगलबार विहान मात्र प्रभा आयुर्वेद पसल शिलबन्दी गरेको हो । उक्त पसलका सञ्चालक भागेपछि औषधि व्यवस्थापन विभागको निग्रानीमा रहेको मेडिकल शिलबन्दी गरिएको औषधि व्यवस्थापन विभागले जनाएको छ ।
नजिक न्युजबाट साभार
